بنقعد نقول كتير ان الناس بقت وحشة
كلنا
بلا استثناء
كلنا بعد اى موقف لازم نقول ان مال الناس بقت وحشة كدة ؟؟
السؤال اللى بيطرح نفسه عليا هنا
وهو ان طالما كلنا بنقول كدة
امال مين هم بقي الناس الوحشة ؟؟؟
لما كل الناس تقول كدة
هو ليه مفيش حد بيقول انا من الناس الوحشة دى؟
ليه كلنا بنفترض اننا من الجانب الطيب اللى دايما مغلوب على امره
مع اننا نبقي قاهرين اللى حوالينا وظالمينهم
هو مين فينا اللى كويس ؟؟؟
ساعات ببقي عايزة اطلع نفسي انا الوحشة
عشان اصبر نفسي على اللى بيحصل
وفعلا اقتنعت انى خلاص العنصر السيء بين الناس
انا النقطة السودا بينهم وهم الكويسين
وبعدين ارجع اقول مانا لو كنت سودا مكنش اللى حصلى حصل
انا لغاية دلوقتى مش عارفة
مش عارفة مين صح ومين غلط ؟؟
وايه اصلا الصح وايه اللى بقي غلط ؟؟
ولا هو كله بقي زي بعضه ؟؟
---
طيب وبعدين ؟؟
ايه آخرتها ؟؟؟
----
هو انتى ليه بعيدة كدة ؟؟؟
(كفاية طيبة)
5 Commentzzzzzz:
لما انتِ من الناس الوحشة أمال مين اللي حلو يا موم :(
مش تقولي كدة بقى
وبعدين مش كل الناس دايما وحشة
ولا كلهم دايما حلوين
هي بس شوية حاجات جنب بعضها
وظروف بتخلق مواقف
وادينا بنتعلم
ومحدش بيتعلم ببلاش
be a little bit optimistic, I can't bear that tone in your voice..
نفس السؤال الذى أسأله دائماً:)
---
على جنب بقى
أنتى وحشتيييينى اوى
ياااه صحيح مين الناس الوحشه لو كلنا كويسين
بس ليه بقينا وحشين ؟؟؟؟
احنا كلنا كويسين وكلنا وحشيين
ماهو مش معقول حد كله وحش او كله كويس
فينا حته كده وحته كده
واحنا بقى بنصنف الحتت دى او بنشوفها حسب ما احنا عايزين نشوفها
انا مع بنت من الزمن ده
احنا كويسين على وحشين
بس كل واحد حسب مقياسه
ممكن اللى انا اشوفه وحش يبقى فى عين غيرى كويس و العكس
الواحد يختار الكويسين من وجهة نظره و يعيش معاهم
عشان يريح نفسه من الناس الوحشين :)
أول زيارة ليا هنا
و إن شاء الله مش هتكون الأخيرة
Post a Comment