عاوزه اكتب
مش فارقه معايا هكتب ايه ف المرحله دى
هكتب اى حاجه لو حتى هكتب اسمى عشر مرات زى مكانوا بيعملوا معانا ف ابتدائى
مش معقول حتى هنا كمان مش هتكلم يعنى
بس برضه مش هتكلم
اه صحيح
انا ايمو
ايون انا ايمو
بدا الموضوع بكويز سخيف على الفيس بك بيقولى اعرف شخصيتك
كالعاده استنيته يقولى انت انسان رائع انت بنى ادم اخر حاجه انت مفيش منك
لقيته بيقولى انت ايمو.( الله يكرم اصلك يا خويا)
طبعا مكنتش اعرف يعنى ايه ايمو..
ولما لقيته بيقول محدش حاسس بيك ..انت انسان مجروح من جواك ..انت.. وانت ...وانت....
بدات اقول الاخ د عنده نظر
وبدات كل لما اشوف حد اقوله باركلى مش انا طلعت ايمو
وطبعا عملت سيرش علشان اعرف ايه ايمو ده
وكل اللى كان يطلعلى..... عليهم اللعنه
عليهم اللعنه
عليهم اللعنه
عليهم اللعنه
وانا اقول هما ليه بيعاملونا كده !!! ليه بيشتموا فينا كده !!! منا خلاص بقيت منهم( هو اللى قال)
لغايه موصلت بقن لموضوع انهم يجرحوا نفسهم علشان احزانهم بتخرج مع الدم
والاغلبيه العظمى منهم بينتحروا ف النهايه
وكملت بالشذوذ الجنسى
طبعا مش محتاجه اقول انى كنت هغير ايميلى علشان كل البشر اللى انا قولتلهم انى ايمو وفخوه قوى
ده لو مكانش هم عملونى بلوك الاول
منكرش انى بحب الايمو ستايل (كل واحد حر ف ذوقه بقن الله)ى
بس د مش معناه انى ايمو
بالظبط زى ناس كتير من ايموز بتوع مصر
اللى بيحبه بس ستايل وبيقول انا ايمو ويتنرفز على الناس علشان يقنعهم انه ايمو
واللى واخده تقليد اعمى وناس تاينه تمرد وجذب للانتباه مش اكتر
ناس تانيه بقن ودول الثكر قوى اللى يمكن حابين يحسوا بانتماء لاى حاجه وخلاص
معروف ان الايموز بيكون ف جو كأبه وحزن منقطع النظير مع نظره ضياع ورؤيه سوداويه للعالم المحيط
يعنى عيب عليك قوى لما تقولى انا ايمو وادخل منتداك اللى هو للايموز الاقيك كاتب توبيك تريقه وهزار وضحك
بس يمكن هم مش جوهم كأبه طول الوقت الله اعلم
والجميل فيهم برضه انهم تقريبا بيفترضوا الغباوه ف البشر واحنا المفروض نصدق اللى بيقولوه
يعنى تشوف واحد منهم والمذيعه بتساله طب انت ليه لابس اسود
يقولها حاجه زى تكبير دماغ مش هفضل ادور على قميص لونه يمشى مع لون البنطلون
يابنى دانت اللى مخليكوا ايموز ف الاساس هو اللون الاسود والكحل التقيل على العين
حد تانى برضه يقولوله انتوا كل جروب معروف بيكون ليه الاب الروحى بتاعه... يقوله مفيش الكلام د
يقولوله طب بلاااااااااش دى
لما بتتجمعوا بتعملوا ايه ؟؟؟
يقول مش بنتجمع اصلن يعنى عادى
زى اى حد بنقعد ف اى مكان مش بنعمل حفلات ولا حاجه ....
بغض النظر عن حفلات الايموز معروفه جدا والطقوس اللى بتحصل جواها هى المشكله
يكمن اكون واخده فكره غلط عنهم....
او يمكن يكون الواقع غير كده تمام....
انا بس كتبت الافكار اللى ف دماغى.
علشان ف فتره من الفترات كنت بقول انا ايمو:D
الحزن كويس ومفيد بس مش تعيش حياتك كلها ف حزن علشان انجرحت او علشان محدش حاسس بيك
مفيش حد ماتجرحش وناس كتير مش لاقيه اللى يسمعها
وشوف حواليك كام واحد مشاعره مرهفه جدا وحساس لاقصى درجه
ميبقاش الحل ان كل دول يبقوا ايموز او يجرحوا ف نفسهم
بس برضن عاوزه اقول ان الايموز ف مصر اعتقد
ايمو صينى
يعنى بتاع بلدنا مبيتكسرش
ممممم..هو ممكن حد بعد الوكلوك د كله يسأل يعنى ايه ايمو؟؟
وقتها هقوله يعمل الكويز اللى على الفيس بوك:D
ــــــــــــــــــــــــــــــــــــــــــــ
وجدان جريح
5 Commentzzzzzz:
وجدان وجدان
الا صحيح
هو ايه الايمو ده ?:D
بذمتك انت راضي عن نفسك وانت ايمو كدة
الا هي الكلمة دي ملهاش باقي ؟
يعني اقول ايمو واسكت ؟؟؟
طيب مش مشكلة
مالك عاملة كدة ليه بقي ؟؟
هو انتى كنتى فين اصلا ؟؟؟
وايه اللى حصلك هناك ؟؟
مين عمل فيكي ايه ؟
هو هناك فين اساسا ؟؟؟
تصدق هقفل البلوج فى وشك
:D
هههههههههه
بلاش تقولي حاجه بعد كده من غير ما تعرفي هي ايه ؟؟
أنا ضحكت أوي لما قولتي كنتي هاتغيري الميل عشان الناس اللي فرحتيهم انك إيمو :))))
....
بصي
هو كل الناس طبيعي عندها غلب وأحزان وكل حاجه
بس العالم دي بتبالغ علي ما أظن في إظهار الحزن ده وانهم ضحايا العالم البائس اللي مش حاسس بيهم
فنفوسهم بتبقي أضعف من مواجهه فبتظهر الأعراض العجيبه دي انتهاءاً بالانتحار
بصراحه انا ماعرفش عنهم ولا قرأت
لكن باشوف الصور شكلها فعلاً غريب
وأول مرة اعرف عنهم معلومات من البوست ده
بس الصور فعلاً خير دليل ان الناس دي بتتأثر بسرعه ومش بتقدر تواجه
بردو دي وجهة نظر أنا معرفش مدي صحتها أو خطأها
المهم بلاش تقولي تاني إلا لما تدوري علي الأصل :))
تحياتي
وسلامي لكفاية طيبة :)
Lyssa
lyssandra
الله يسلمك
وصلنى احلى سلام ياقمر
:)
المصريين عموما بيحبوا الفرقعة وبيدوروا على أي حاجة يكونوا بارزين فيها
أو مختلفين عموما
بغض النظر بقى عن الحاجة دي صح أو غلط أو حتى بيعملها ليه
بالنسبة ليكي
الحمدلله انك عرفتي في الوقت المناسب وكونك ماكنتيش تعرفي طبيعة الاسم فانتي ماغلطتيش
تقبلي مروري
تحياتي
كنت فى فتره مهتمه بحوار الايمو دول وزى ما تقولى بعمل دراسه عليهم :D
اه استايل اللبس او الشعر او الميك اب حلو
بس الموضوع بيتحور جامد فى بلاد تانيه
وزى ما قولت احيانا بيوصل للشذوذ الجنسى
واللى فى مصر مش صينى بس
ده صينى ومن اللى بيتكسر كمان :D
ما تجبيلى الكويز وحياتك بتاع الفيس اعمله يمكن اطلع ايمو انا كمان :D
Post a Comment