من كام يوم كدة
لقيت حد من صحابي عامل ليا (تاج)على الفيس بووك فى صورة
مكتوب عليها : ايه احلى حاجة حصلتلك فى 2009؟
مستوعبتش ان السنة قربت تخلص غير من الصورة دى
سؤال مكونتش بفكر فيه خالص
عمرى ما قعدت فى نهاية كل سنة كدة اقيم اللى حصلى فى السنة اللى فاتت
بس قعدت استرجع الاحداث عشان اطلع الكويس والوحش
لقيت احداث متناقضة اوى حصلت
وحسيت انى عارفة افصص السنة فى دماغى كويس
السنة دي بالذات
يوم 2 يناير تقريبا كان يوم جمعة
وعزلنا من بيتنا لبيت تانى فى قطر
يوم 3 يناير اخدت دور برد لغاية 15 يناير
وعملت مشكلة فى الشغل عشان معرفتش اخد اجازة وهم مصممين ينزلونى الشغل
كانت مأساة كدة كبيرة وحصل عند من جميع الاطراف وصل للخصم الضخم من المرتب بالاضعاف
طبعا كنت دايما اقول هم الخسرانين عشان اصبر نفسي
واطلع انا الخسرانة الوحيدة اخر الشهر
:D
بس اهو عدى
جه فبراير واحنا فى الشقة اللى احنا مش متعودين عليها
وعرفت ناس جديدة
ولما عيد الحب قرب قولت لنفسي لازم اعمل حاجة مميزة فى اليوم ده
فلما جه يوم 14 فبراير روحت اشتركت فى جيم
محدش يسالنى ايه العلاقة بس كان نشاط جديد ممكن يتعمل
ومر مارس بدون احداث مميزة غير انى حققت حلم صغير وهو انى اجيب لابتوب خاص بيا
واترحم من انتظار الكمبيوتر الكبير العائلي اللى ممكن يطول يالايام لغاية ما يكون متاح وفاضي
والحال مثله فى ابريل غير انى بدأت اعد الايام على نزولى مصر
وجه مايو عشان اقابل حد كان نفسي اقابله من زمان ...
وجه شهر يونيو
بفرحته بالعودة بالسلامة
ومر شهر يوليو جميل فى مصر عدا يومه الاخير
بدأت معاناة صحية خفيفة سرعان ما انتهت فى شهر اكتوبر الحمدلله
اتعلمت منها حاجات كتييير اوى
وطلعت منها بدروس كتير جدا
وعرفت نااس طلعت جميلة اوى من جوا بس مكانوش لاقيين الفرصة انهم يطلعوا الجمال ده
وناس تانية بجد اكتشفتها
سواء كان اكتشاف ايجابي او اكتشاف سلبي
مش عايزة اقعد اقول كلام كبير
بس بجد دايما الواحد لما بيتحرم من نعمة معينة بيعرف قيمتها اوى
وفى نفس الوقت لما بترجعله بيبتدي ينسي القيمة دي شوية بشوية
اهم حاجة تدوروا على الحاجة الحلوة اللي
فى حياتكم وتحمدوا ربنا عليها اوى وتحافظوا عليها
وجه نوفمبر باحداث كتيرة ... ابتديت فيه شغل فى مصر بعد رحلة بحث طويلة
خلص نوفمبر ودخلنا فى ديسمبر ولازلنا به
ومحصله احداثه انى سبت الشغل اللى ابتديته فى نوفمبر والحمدلله
:D
وكمبيوترى اتحول لغسالة من كتر القر انى بستخدمه فى اى وقت احبه
ووديته للصيانة ولسة هناك
ومش عارفة اخره ايه
ربنا يجيب العواقب سليمة وغير مكلفة
اقدر استنتج من الرغى اللى ملوش لازمة ده
ان احلى حاجة حصلتلى ف2009
انى لسة عايشة وادامى فرصى اخلى 2010 احلى
:D
أأسف على تضييع وقت سنة كاملة فى رغى مفيهوش اى دروس مستفادة
بس قولت انزل حاجة جديدة بمناسبة السنة اللى فاتت والسنة اللى جاية
لأن البلوج وحشتنى وحاسة انى بطلع من دنيا المدونات شوية شوية
بس انا عايزة اقعد هنا مش عايزة حد يطلعني
يلا
كل سنة و انتم قادرين تحسنوا من نفسكم
:)
ودى زي ماتسموها كدة هدية بمناسبة2020
حطوها خلفية بقي
هابي نيو يير
^-^
^-^
20 Commentzzzzzz:
كفاية طيبة
:)
هابي نيو يير يا حبيبتي
كان نفسي أعمل حصر ل 2009
لكن بصراحه مش عاوزة أفتكره تاني
هههههههههههههه
السنه علي بعضها كده
محتاجه بداية جديدة
جايز تجيبهالي 2010 معاها
تحياتي
Lyssa
كل سنة وانتى كويسة يا بنتى
و عقبال 2080 لما نباركلك على اى حاجة حلوة
2009 راحت فى ستين سلامة و خلصنا منها
انتى عارفة انها كانت مش تمام معايا
بس عندى امل فى الى جاى
ماااااااااشي
سيبك منها السنه وديه وبصي للي جي
ان شاء الله اللي جي احسن
يارب السنة الجايه تكون احسن واحسن
وتشتركى فى 100 جيم تانى وتالت
الفلانتين والجيم .. اكيد في علاقه الالف واللام :)))))))))))))
الكمبيوتر اتحول لغساله !
ان ان ااااان
واضح انك كنتي بتعزيه اوي وبتتعاملي معاه بطريقه زي الفل :)))))))))
مبروووك علي شغلك :)
و كل سنه وانتي طيبه :)
وياااااااااااااارب السنه الجايه تكون احسن من كووووول السنين اللي فاتت ..:)
تحياتي
الايام بتجرى بينا بسرعة ومش بقينا نحس بيها خالص
ربنا يحقق ليكى كل ما تتمنى
مع خالص تحياتى
موني الجميلة
كل عام وانتي بالف خير
ويارب 2010 تبقى حلوة عليكي وتبقى سنة سعيدة
ألف سلامة عليكي وعلى الكمبيوتر الي بقى اشبه بالغسالة!!
كل عام وانتي اجمل موني عرفتها
خدي بالك من نفسك ومن صحتك كتير كتير
تحياتي لقلبك
سارة
:D
ربنا يعوضك عن شغلك الى سبتيه بشغل ترتاحي فيه يا رب
كل سنة و انت طيبه يا منى .. و يا رب تكون السنة الجديدة دفتر شيكات عالى الرصيد ليكي للجنة يا رب :)
كل سنة وانتي طيبة
وسنة جديدة وجميلة ان شاء الله يارب
ليساندرا
يارب يا ليسا كل اللى جاى يبقي احسن من اللى راح
كل سنة وانتى طيبة ياحبيبتى يارب :)
ودايما كدة منورنى ياقمر
الاستاذة جست مي
خلى عندك امل دايما ان اللى جاى يبقي احلى
زي ما قولنا بنقول كدة كل سنة
بس معلش
خلينا احنا الكبار
وان شاء الله يحصل حاجة كويسة المرة دي
^-^
المدونة مزقططة وانت هنا على فكرة
احمد ابو العلا
اتمني والله يا احمد
كل سنة وانت طيب وان شاء الله يبقي الجاى احسن عليك انت كمان
:)
كيكي عوووو
ربنا يخليكي ياحبيبتى
كل سنة وانتى طيبة
100 جيم يعني مفيش نتيجة من جيم واحد وكدة مش حلو ياكيكي
:D
هاجر زعبل
لا استخدامى للكمبيوتر كويس والله
عموما انا بستخدم حاجاتى بطريقة لطيفة جدا
هو كان محسود بس
كل سنة وانتى طيبة :)
تامر نبيل
فعلا الايام بتجري جدا
كل سنة وانت طيب وايامك اللى مش لذيذة بس اللى تجري بسرعة لكن ايامك الحلوة تفضل بطيئة ومش بتعدي
:)
سااااارة
وحشتيني اوى
انتى فين ؟
عايزة اشوفك
كل سنة وانتى جميلة ورقيقة زي مانتى
:)
دهاء سياسي
ياعم انت بقي
كلامك جميل :)
ربنا يكرمك يارب يا بوبو
وكل سنة وانتى زي القكر :)
white Heart
كل سنة وانت طيب يافندم
وكل الايام تبقي جميلة عليك ان شاء الله :)
منور جدا
هابى نيو يير
متأخرة أوى
بس أول زيارة للمدونة
بجد سعيد جدا بزيارتى للمدونة
ومش مستوعب إن دى مدونة حد عندة 14 سنة لحد دلوقتى
بجد المدونة تحفة والبوستات هايل
Post a Comment