بسم الله الرحمن الرحيم
بما إننا فى فترة امتحانات
ووجدان متقوقعة فى صومعة مذاكرتها الى أجل غير مسمي
فقررت أستأثر بكتابة البوست ده أيضاً على التوالى
هكتبلكم حاجة قرأتها وأثرت فيّا
رســـالـة
بابا ...!!
ممكن اقولك حاجة ومش تزعل منى
ها ؟
اقول ولا هتزعل ؟
طيب انا هقول وخلاص بقي
بابا هو انت بتحبني ؟
طبعا هتقول ايوة
بس انت متأكد ؟؟
انت بتحبني بجد يعني؟؟
زي بابا منة
ولا بتحبني ازاى
بابا هو انت ليه مش بتطبطب عليّا
زي بابا مريم
بابا هو انت شايفني اجمل بنوتة فى الدنيا ؟
زي بابا ريهام
ولا انت مش عارفنى اصلاً؟
بابا هو انا ليه مش بحس انى مطمنة وانا معاك؟
هو انا ليه مش بحس بأمان زي خلود لما تبقي مع باباها
بابا
انت ليه مش بتملّس على شعرى وتضحكلى
زي اى بابا بيحب بنته
بابا
هو انت ليه مش بتمسك ايديّا واحنا بنعدي الشارع
بابا
هو انت مكسوف منّى ؟؟
ولا مش بتحبني ومش عايز تزعلنى وتقولى كدة ؟
بابا
هو انا ليه لما أحب اتكلم مع حد وافضفضله
مش انت اول واحد بييجي على بالى
نفسي تبقي انت اول واحد ييجي على تفكيري لما احب اتكلم
بس مش انت
هو العيب منّى ولا منك ؟؟
بابا
هو انت ليه مش بتاخدنى فى حضنك لما أعيط ؟
ولا بتيجي تغطيني قبل مانام وتبوسنى على راسي ؟
عارف يابابا
ساعات ببصلك وانت قاعد
بكلمك فى سرّى
بقولك :
انا بحبك اوى يابابا .. هو انت مش بتحبني زي ما بحبك ؟
بابا هو انت ليه مش بتيجي تفرحنى من برّة وتدخل البيت
وتقولى انا جبتلك حاجة ليكي انتى بس
عشان انتى بنوتّى حبيبتى
بابا
هو انت مش بتدلعنى ليه ؟
ايوة انت بتدلع اسمي
بس مش بتدلعنى انا
ليه مش بشوف فى عينيك انك عايز تعرف اخبارى بجد
ليه بشوفك دايماً بتفكر فى نفسك بس
ليه مش بتبصلى بنظرة حنينة زي بابا بنت خالتى
عارف يابابا
عمو جوز خالتى ده
لما قعدت معاه شوية
قولتله : ياااا ...نفسي فى بابا زيك يا عمو
ساعتها عمو عينيه دمّعت
عشان اتأثر بكلامى
وانا عينيَا دمعت بردو
بس مش عشان اتأثرت
لا
عشان زعلت انى بقول عليك كدة
زعلت انك مش مديني اللى انا محتاجاله اوى منك
وزعلت انك ممكن تزعل لو سمعت كلامى ده
عارف يا بابا
انا مش قادرة اكمل معاك كلام
عشان انت مش هتسمعني
ولا هتفهمنى
شكلك مش عارف يابابا
(منقـول بتعديلات)ا
بما إننا فى فترة امتحانات
ووجدان متقوقعة فى صومعة مذاكرتها الى أجل غير مسمي
فقررت أستأثر بكتابة البوست ده أيضاً على التوالى
هكتبلكم حاجة قرأتها وأثرت فيّا
رســـالـة
بابا ...!!
ممكن اقولك حاجة ومش تزعل منى
ها ؟
اقول ولا هتزعل ؟
طيب انا هقول وخلاص بقي
بابا هو انت بتحبني ؟
طبعا هتقول ايوة
بس انت متأكد ؟؟
انت بتحبني بجد يعني؟؟
زي بابا منة
ولا بتحبني ازاى
بابا هو انت ليه مش بتطبطب عليّا
زي بابا مريم
بابا هو انت شايفني اجمل بنوتة فى الدنيا ؟
زي بابا ريهام
ولا انت مش عارفنى اصلاً؟
بابا هو انا ليه مش بحس انى مطمنة وانا معاك؟
هو انا ليه مش بحس بأمان زي خلود لما تبقي مع باباها
بابا
انت ليه مش بتملّس على شعرى وتضحكلى
زي اى بابا بيحب بنته
بابا
هو انت ليه مش بتمسك ايديّا واحنا بنعدي الشارع
بابا
هو انت مكسوف منّى ؟؟
ولا مش بتحبني ومش عايز تزعلنى وتقولى كدة ؟
بابا
هو انا ليه لما أحب اتكلم مع حد وافضفضله
مش انت اول واحد بييجي على بالى
نفسي تبقي انت اول واحد ييجي على تفكيري لما احب اتكلم
بس مش انت
هو العيب منّى ولا منك ؟؟
بابا
هو انت ليه مش بتاخدنى فى حضنك لما أعيط ؟
ولا بتيجي تغطيني قبل مانام وتبوسنى على راسي ؟
عارف يابابا
ساعات ببصلك وانت قاعد
بكلمك فى سرّى
بقولك :
انا بحبك اوى يابابا .. هو انت مش بتحبني زي ما بحبك ؟
بابا هو انت ليه مش بتيجي تفرحنى من برّة وتدخل البيت
وتقولى انا جبتلك حاجة ليكي انتى بس
عشان انتى بنوتّى حبيبتى
بابا
هو انت مش بتدلعنى ليه ؟
ايوة انت بتدلع اسمي
بس مش بتدلعنى انا
ليه مش بشوف فى عينيك انك عايز تعرف اخبارى بجد
ليه بشوفك دايماً بتفكر فى نفسك بس
ليه مش بتبصلى بنظرة حنينة زي بابا بنت خالتى
عارف يابابا
عمو جوز خالتى ده
لما قعدت معاه شوية
قولتله : ياااا ...نفسي فى بابا زيك يا عمو
ساعتها عمو عينيه دمّعت
عشان اتأثر بكلامى
وانا عينيَا دمعت بردو
بس مش عشان اتأثرت
لا
عشان زعلت انى بقول عليك كدة
زعلت انك مش مديني اللى انا محتاجاله اوى منك
وزعلت انك ممكن تزعل لو سمعت كلامى ده
عارف يا بابا
انا مش قادرة اكمل معاك كلام
عشان انت مش هتسمعني
ولا هتفهمنى
شكلك مش عارف يابابا
(منقـول بتعديلات)ا
(كفــاية طيبـــــة)
41 Commentzzzzzz:
طيب لية كدا ؟
بس عارفة عندك حق
فى ساعات باباهات بتعمل حاجات وحاجات لا
يعنى ممكن يكون بيدلعها بس ميتكلمش معاها
ممكن يكون بينيمها بس مش بيضحكلها ويحسسها بحنانه
ممكن يكون بيكتفى بأنة يصرف على البيت والاولاد ومامتكم تكمل بقى
بس البيت يعنى ترابط مش مهام بتوزع على كل طرف ووقت ما يقوم بيها خلاص دورة خلص
ساعات كمان الام مش بتفهم دا وتراعى لاطفالها وتأكلهم وتنيمهم وتلبسهم وبس
وتكون بتتحمل المسؤلية بدون حب ورعاية ودلع وترفية وطيبة نفس
موضوع مهم جدا يا كل الطيبة
تسلم ايدك
تقبل مرورى
تعرفى بقى انى كنت هعيط بجد
بصى ادخلى الرابط ده واقرأيه
http://monaliza110.blogspot.com/2008/02/blog-post_20.html
Just because somebody doesn't love you the way you want them to, doesn't mean they don't love you with all they have..
مش كل الباباهات بتقدر تعمل اللي مكتوب
بس مش معناه انهم مش بيحبونا
هما بس يمكن مش عندهم القدرة انهم يظهروا الحب ده
تعرفي ساعات وانا عيانة كنت ببقى فرحانة أوي
علشان كنت بحس بحب اللي حواليا وخوفهم عليا
بس في نفس الوقت انا عارفة ومتيقنة انهم بيحبوني
رغم انهم مش بارعين في إظهار الحب ده
بس حبي ليهم وحبهم ليا مش بالكلام
بحاجات صغيرة أوي بتظهر مع الأيام
مهما لفيتي ودورتي
مش هتلاقي حد بيحبك قدهم
ده انتي حتة منهم
وحشتيني يا موم
بجد وحشتيني اوي :)
أحيان كتير بيحصل أنه بيتوجد حائط برود في المشاعر بين الأب وأولاده
يمكن رتم الحياه بيفرض عليه ده وهوا بيستسلم ليه
ديه مسؤلية الأب طبعا انا مش بنكرها
بس بحس أنه أكتر واحد بيتعذب بيها لما جبل التلج بيكبر والمشاعر بينه وبين أولاده أو زوجته بتموت
الموضوع ده مهم جدا
بجد البوست بتاعك اثر فيا جدا
رائع
وعلى فكرة الموضوع ده مش بس عند البنات كمان الولاد بيحسه بنفس الاحساس اوقات كتير الواحد بيبقى محتاج حد يطبطب عليه يشجعه او ياخده فى حضنه
انا عن نفسى بحاول اتحاشى ده فى ابنى وربنا يقدرنا
لان الحنان ده مفتاح حاجات كتير قوى
دمتى بكل الود وشكرا على الزيارة
جروب جريدة الصباح العربي بيت المدّونين العرب
http://www.facebook.com/topic.php?topic=9649&uid=16178125875#/group.php?gid=78080770039
بجد عندك حق فى كل الكلام اللى قلتيه
لو يحس بالكلام ده كل الأبهات
فهى رسالة موجه اليهم
أحييك على اختيارتك الجامده ده
تحياتى
شيمو القمر
يااااااااااااه على الرسالة دى
يا ريت كل أب يقراها ويعرف ان الولاد بيحبوا باباهم وعارفين انه بيحبهم لكن احيانا بنبقى كأولاد محتاجين اشارات من هذا الحب
يا ريت كل أب وأم كمان تعرف ازاى يحتضنوا أبنائهم
وتقبلى تحياتى
نومستا
وجعتنى يا بحثن
يااااااااه
صعب اوى الكلام ده
والاصعب وجود بعض الاباء الاخدتهم الماديه وافتكروا انه توفير الماده هي فقط الامان والبحث عن الماده بيجمد المشاعر اول حاجه هو ممكن ميكونش قصدو انه مشاعرو تتجمد بس دى نتيجه طبيعيه للبحث عن الماده وترك مسؤوليه الابناء للام وكأنها وحدها هى المسؤوله عن المشاعر موضوع بجد كبير اتمنى كل اب خدته الماديات يقراها وميحسسش اولادوا ابدا بالاحساس ده
تقبلى مرورى
طفلتى
ممكن :)
ربنا يخليكي ليا ياقمر
مش بقيت اشوفك ليه ؟
تعالى بقي :)
موناليزا
دخلت
:(
Dina
sure i know that well dina
maybe sometimes it goes off my mind
:)
وانتى كمان وحشتيني اوى يادودو
:)
الواحد مش عارف
مش عارفة اذا كنت انا نفسي عندي هذا الشعور ولا لأ
والدي و الحمد لله مش كدة زي ما وصفتي
بس أنا اللي بعيدة المرة دي
العيب مش منه للأسف
خايفة لما اكبر و اخلف بنت يبقى الوضع بينا كدة
مش عارفة حقاً
ربنا يهون علينا و يقرب بيننا و بين اهلنا
سلام عليكِ
صعب اوى .. صعب اوى يا مومو ..
:(
انا بابا فى حاجات مش بيعملها معايا كده يا ترى ايه السر بقى ؟
:(:(
احمد ابو العلا
جالى ايميل امبارح بخصوص ان الاب اكتر واحد بيتعب دي لازم اوريهولك
بس مش عارفة اعملها كوبي وبيست
المهم انهم هم الاتنين عليهم مسؤوليات
بس المفروض مش تخليهم يهملوا اولادهم للدرجة دي
Dr. A.S. black armor
تمام
طبعا كلنا بنحسه سواء ولاد او بنات
ياريت حضرتك تفضل على هذا لمنوال مع ابنك
:)
نورتنى يافندم باول زيارة
hamada
رايحة ازوره حالا :)
شيمو القمر
ربنا يكرمك ياقمر ...
انتى اللى زيارتك بتبقي جامدة اوى :)
بتنورنى ياباشا
بنجاواتى
ياريت بجد :)
ربنا يكرمك يافندم نورتنى
وجدان جريح
حنيني
:(
انت فين ياله
وحشتنى اوى :(
ماء تشرين
اتمني معاكى والله الموضوع ده
بجد نورتيني اوى باول زيارة ياقمر
:)
نعكشة
طيب ماتحاولى انتى اللى تقربي
صدقيني هيبقي مبسوط اوى انه هيحس انك عايزة تقربي منه
زي ماحنا هننبسط لما نلاقي بابانا بيحاول يقرب مننا
صح؟
حاولى مش هتخسري حاجة :)
catroz
معلش
حقك عليا
بس هي دى الحقيقة
:)
shiko
مش شرط يعمل كل حاجة عشان يبقي بابا حلو
انا كتبت مقتطفات بس من اللى المفروض يعمله
ممكن يعمل حاجة واحدة بس وبيعمل حاجات تانية احسن بكتير
وهكذا
:)
عارفة يا قمرايا ممكن اوي نحس بالأحسايس دي مع اي حد قريب مننا مش بس ابهاتنا لكن لو بعدنا بنكتشف انهم حاجه كبيرة اوي في حياتنا واننا احسن من غيرنا وان عندنا نعمة كبيرة اوي ويمكن احنا مش حاسين بيها
كنت بقراها عادي
و مع كل سطر قلبي يقرب شوية
وشوية مع شوية لقيت نفسي جيت لحد هنا و ودمعتي نزلت
==========
وانا عينيَا دمعت بردو
بس مش عشان اتأثرت
لا
عشان زعلت انى بقول عليك كدة
زعلت انك مش مديني اللى انا محتاجاله اوى منك
وزعلت انك ممكن تزعل لو سمعت كلامى ده
============
تحسي و انت بتقري انها كلمات طفلة صغنونة.. لسة ماعرفتش من الحياه الحاجات اللي تخلي الواحد ينسى التفاصيل الجميلة ويطنش لو لاقاها مش موجودة في حياته..
عارفة حايجي وقت و ماتهتمش بكل ده.. أكيييد
بجد مؤثرة أوي وبتوجع أوي
تحسي كل الناس بقت مشغوله بس بنفسها
حتي الاباء والامهات
بس هي ظروف عصر
تحياتي ليكي ياقمرر ,,
Lady E
تمام فعلا
منورانى ياقمر
اول تعليق ليكي عندي
انبسطت اوى بزيارتك :)
Hannoda
وحشتيني اولا :)
سلامتك من الدموع
بس مش عارفة ليه التفاصيل دى مهما الواحد كبر بيبقي محتاجلها من ناس معينين
مش شرط يبقي طفل او صغير عشان يبقي واخد باله من الحاجات دي
وكل ما يطنش .. تجيله ويحس انه محتاجلها تانى
صح ولا غلط ؟
تقريبا هى دلوقتى جه الوقت ومبقتش مهتمة
لانها قالتله فى الاخر
مش مكملة كلامى معاك
لانك مش هتفهم اصلا
راكنة مدونتك على جمب ليه ؟
عايزة بوست جديد ومش بهرج على فكرة
قلب ارهقته الاحلام
اسمك جميل :)
للاسف فعلا
منورانى ياحبيبتى :)
مش عارفة اعلق بحرف واحد مش بكلمة
انا بس عاوزة استأذنك اني احتفظ بالبوست دة وهابقى انزلة عندي وهاقول طبعا انة منقول من عندك
...........
بعيدا عن البوست
انتي وحشاني خالص وبجد عاوزة اتكلم معاكي ولو تسمحي هابقى اسيب لك الأيميل بتاعي
تحياتي
shahy
يانهار ابيض
شاهي حبيبي اخيرا جيتي
انا زعلانة منك اوى :(
ولا حتى بتسألى عليا من بعيد لبعيد كدة :(
يارييييت تسيبيلي ايميلك
ابعتهولى على الايميل اللى انا حطاه فى البروفايل
ارجوكي
انا كمان نفسي اتكلم معاكى اوى
مستنياكي :)
نسيت
البوست طبعا خديه
ان شالله تاخدي ياربي المدونة كلها
بس ماتنسيش صاحبتها كتير كدة
:)
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039
انتي ديما كده بتكتبي اللي جوايا ..بجد روعه دمتي و تحياتي لكي
nor
ربنا يكرمك يانور
انتى اللى روعة اصلا :)
عايزة اتكلم معاكى قريب بقي
حاجة صعبة أوى.. متهيألى المشكلة فى التواصل
كتير من الآباء متصور ان ابنه او بنته لما يبقى عندهم مشكلة هيروحوا له على طول ويتكلموا معاه مع انه اصلا مش فاتح معاهم باب للتواصل
مش بيبين مشاعره
أو بيبينها بشىء من الإذلال أو بيبينها بشكل غير منطقى متتصدقش أصلا يعنى
أو..أو..أو..
أولاً وحشتيني ووحشني التعليق عندك
وعارفة إنك زعلانة مني معلش أنا فعلاً مقصرة بس والله أنا بقالي كتير قوي بعيدة عن عالم التدوين حتى في حاجات كتير قوي كتبتها ولسه منزلتهاش في المدونة
أما بالنسبة للرسالة مؤثرة جداً وعينيا دمعت أنا كمان وهي بتكلم جوز خالتها
فعلاً الموضوع ده موجود كتير مش عارفة ليه آباء كتير عاملين حاجز وفجوة كبيرة قوي بينهم وبين أولادهم وبعد كده يستغربوا لما ولادهم يغلطوا أو يقسوا عليهم لما يكبروا
طيب ما هم اللى شربوهم القسوة وهم صغيرين
كلامك فكرني ببابا كان حنين قوي (الله يرحمه)
مجرد مدونة
ربنا يكرمك على رأيك يا فندم
نورتنى اوى :)
dodo
اه زعلانة منك كتير
ومش هينفع كلام عالماسنجر يصفيني من جوا
لازم نتكلم وجها لوجه :)
انا اسفة لو خليتك تدمعي
بس هي يمكن الحقيقة تكون اصعب من كدة كمان
مستنية منك حاجة تنشريها من اللى كتباه قريب
اتفقنا؟ :)
Post a Comment